अभिनेता शाहरुख खानचा मुलगा आर्यन खानला मुंबई क्रूझ ड्रग पार्टी प्रकरणात एनसीबीकडून क्लिनचिट मिळाली आहे. त्यानंतर या प्रकरणाची चौकशी करणारे एनसीबीचे माजी अधिकारी समीर वानखेडे यांच्या तपासावर प्रश्नचिन्ह उपस्थित करण्यात आलं आणि त्यांच्यावर कारवाईचे आदेश देण्यात आले आहेत. दरम्यान वानखेडेंनी एक सूचक ट्विट केलं आहे. (Sameer Wankhede Latest tweet after Aryan Khan clean chit)

समीर वानखेडे (Sameer Wankhede) आपल्या ट्विटमध्ये म्हणतात, "मी नकारात्मक गोष्टींकडे लक्ष देत नाही. कारण जर तुम्ही असं केलं तर कोणतीही प्रगती होणार नाही. तुम्ही पुढे जाणार नाही. तुम्हाला नेहमी गोष्टींच्या सकारात्मक बाजूकडे लक्ष द्यावे लागेल आणि आपण नियंत्रित आहोत. जसं, तुम्ही करता त्या निवडींवर तुमचं नियंत्रण असतं".

आर्यन खानकडे (Aryan Khan) कोणत्याही प्रकारचे ड्रग्ज असल्याचे पुरावे सापडले नसल्यानं एनसीबीकडून (Narcotics Control Bureau) त्याला क्लिनचिट मिळाली आहे, तसंच आरोपपत्रातून त्याचं नावही वगळण्यात आलेलं आहे. दरम्यान, आर्यन खान प्रकरणाचा तपास योग्य झाला नसल्याचं सांगत सरकारने वानखेडेंवर कारवाई करण्याचे आदेश दिले आहेत. यापूर्वी त्यांनी खोटं जात प्रमाणपत्र दाखवून नोकरी मिळवल्याचा आरोपही त्यांच्यावर झाला होता. त्या प्रकरणामुळेही अडचणीत आले होते.