देशातील पाच राज्यांच्या निवडणुका जाहीर झाल्याने वातावरण चांगलंच तापलं आहे. सध्या शिवसेना गोवा आणि उत्तर प्रदेशात त्यांच्या जागा जोखण्याचं काम सुरू आहे. सेनेचे खासदार संजय राऊत मागील दोन दिवसांपासून गोव्यात होते. (Sanjay Raut on Utpal Parrikar)

गोव्यात शिवसेनेचा महाविकास आघाडी पॅटर्न राबवण्याचा मानस आहे. गोव्याच्या दौऱ्यानंतर संजय राऊत यांनी दिवंगत नेते मनोहर पर्रिकर यांच्या मुलाला म्हणजेच उत्पल पर्रिकरांना तिकिट देण्याची मागणी केली. भाजपने पर्रिकरांना तिकिट दिलं पाहिजे असं ते म्हणाले. त्यांची काय लायकी आहे, पर्रिकरांसमोर असा प्रश्न त्यांनी उपस्थित केला. (Utpal Parriakr demands ticket for Goa Election 2022)

गंगेत वाहणारे मृतदेह तुम्हाला मतं देणार का?

संजय राऊत यांनी भाजपवर टीका करताना योगी आदित्यनाथ सरकारवर निशाणा साधला. जिवंत लोक भाजपला मतदान करणार नाहीत. गंगेत वाहणारे मृतदेह भाजपला मतदान करणार आहेत का, असा प्रश्न त्यांनी उपस्थित केला.

अखिलेश यांनीही सर्वाना सोबत घेऊन निवडणुका लढल्या पाहिजे. लोकांना अखिलेश यादव यांच्याकडू अपेक्षा आहेत, असं राऊत म्हणाले. सध्या भाजपाचे लोक दलित कुटुंबीयांच्या घरोघरी जाऊन ध्रुवीकरण करत आहेत. भाजपचं हे वोट बँकेचं राकारण आहे. माणसं म्हणून सगळ्यांना वागणूक द्या, असं ते म्हणाले.