मुंबईः शिवसेना खासदार संजय राऊत आज लीलावती रुग्णालयात दाखल होणार आहेत. राऊत यांच्या उद्या दुपारनंतर अँजिओप्लास्टी शस्त्रक्रिया केली जाणार आहे. गेल्या वर्षी नोव्हेंबर महिन्यात संजय राऊत यांची अँजिओप्लास्टी करण्यात आली होती. मात्र आता त्यांना पुन्हा त्रास होऊ लागल्यानं डॉक्टरांनी परत अँजिओप्लास्टी करण्याचा सल्ला दिला. 

लिलावती रूग्णालयातील प्रसिद्ध ह्रदयरोगतज्ञ डॉ मॅथ्यू राऊत यांच्यावर अँजिओप्लास्टी शस्त्रक्रिया करणार आहेत.  डॉ मॅथ्यू आणि डॉ अजित मेनन यांच्या मार्गदर्शनाखाली संजय राऊत यांच्यावर शस्त्रक्रिया होईल. आज सायंकाळी संजय राऊत लिलावती रूग्णालयात दाखल होणार असून सुरूवातीला अँजिओग्राफी केली जाईल आणि त्यानंतर उद्या दुपारी अँजिओप्लास्टी केली जाईल.

अधिक वाचा-  फिल्म इंडस्ट्री मुंबईच्या बाहेर जाऊ शकत नाही: अनिल देशमुख

गेल्या वर्षी नोव्हेंबर महिन्यात संजय राऊत यांच्यावर हृदयात दोन स्टेन घालण्यात आल्या होत्या. त्यानंतर आणखी स्टेन टाकावे लागणार होते. त्यासाठी एप्रिल 2020 ही नियोजित वेळ होती. पण कोव्हिड प्रादुर्भावामुळे ही शस्त्रक्रिया पुढे ढकलण्यात आली होती. 

मुंबई विभागातल्या अन्य बातम्या वाचण्यासाठी येथे क्लिक करा.

संजय राऊत यांनी शनिवारी लीलावती रुग्णालयात आरोग्य तपासणी केली होती. त्यांची प्रकृती स्थिर आहे, मात्र त्यांना काहीसा ताण आणि थकवा जाणवत आहे. राऊत आज लीलावती रुग्णालयात दाखल होऊन उद्या अँजिओप्लास्टी शस्त्रक्रिया केली जाईल.

Sanjay Raut will be admitted Lilavati for angioplasty again tomorrow