विशेष सिबीआय न्यायालयाने स्टेट बँक ऑफ इंडिया (एसबीआय)च्या मूलूंड शाखेच्या माजी मुख्य व्यवस्थापक आणि एका खासगी कंपनीच्या कार्यकारी संचालकाला सुमारे दोन दशकांपूर्वी बँकेची फसवणूक केल्याप्रकरणी दोषी ठरवले आहे. असे गुन्हे घृणास्पद आहे असल्याचे ताशेरे कोर्टाने ओढले आहेत.या दोघांनाही २ वर्षाच्या कारावासाची शिक्षा कोर्टाने सुनावली आहे.

सीबीआयच्या विशेष कोर्टाचे न्यायाधीश डी पी शिंगाडे यांनी मुंलूडच्या एसबीआय शाखेचे मुख्य व्यवस्थापक व्ही बी मंत्री आणि एम पी अब्राहम या खासगी कंपनीच्या कार्यकारी संचालकाला बँकेची फसवणूक केल्या प्रकऱणी दोषी ठरवले. या दोघांवर आयपीसी कलमासोबत भ्रष्टाचार प्रतिबंधक कलमही लावले.

२००२ मध्ये हा गुन्हा नोंदवण्यात आला होता. तर २००५ मध्ये आरोपपत्र दाखल झाले. १८ वर्षापासून हा खटला चालला.कोर्टाने पाच इतर आरोपींना निर्दोष सो़डले.या खटल्यात ३२ साक्षीदाराची साक्ष नोंदवण्यात आली.