शिवडी : कांजूरमार्ग पूर्व येथील नेहरू नगरमधील अंबिका निवास चाळीत बुधवारी ६५ वर्षीय कोरोनाबाधित रुग्ण सापडल्याने एकच खळबळ उडाली आहे. या रुग्णावर पवईतील हिरानंदानी रुग्णालयात उपचार सुरू असल्याची माहिती नगरसेविका सुवर्णा करंजे यांनी दिली. या घटनेनंतर प्रशासनाने तत्काळ येथील २० चाळींना सील लावले आहेत.
कांजूरमार्ग पूर्व येथील नेहरू नगरमधील अंबिका निवास चाळीत ६५ वर्षीय वयोवृद्ध एकटेच राहतात. त्यांना खानपान देण्यासाठी त्यांचा सहकारी व देखरेखीसाठी मेहुणे त्यांच्या संपर्कात होते. त्यांना २० मार्चपासून सर्दी, खोकला, ताप येत होता. त्यामुळे त्यांच्यावर उपचारही सुरू होते, परंतु त्यांना अस्वस्थ वाटू लागल्याने पवईतील हिरानंदानी रुग्णालयात दाखल करण्यात आले.
डॉक्टरांनी त्यांची कोरोनाची तपासणी केली असता ते पॉझिटिव्ह आल्याचे बुधवारी स्पष्ट झाले. त्यामुळे त्यांच्या संपर्कातील दोन्ही सहकाऱ्यांचीदेखील तपासणी करण्यात येणार आहे. या घटनेनंतर अंबिका निवास चाळीच्या आजूबाजूच्या सुमारे २० चाळींना सील लावण्यात आले आहे. २० चाळींमध्ये सुमारे पाच हजार नागरिक वास्तव्य करतात.
This section in Kanjurmarj is sealed
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.