मुंबई- मुंबईत आतापर्यंत 798 कंटेन्मेंट झोन तयार झाले आहेत. मुंबईतल्या २४ विभागांतील हे कंटेन्मेंट झोन आहेत. या सर्व कंटेन्मेंट झोनमध्ये जवळपास एकूण 19 हजार पॉझिटिव्ह रुग्ण आढळून आले आहेत. या कंटेन्मेंट झोनमधील घरांची संख्या यामध्ये 42 लाख 18 हजार लोक राहतात. महापालिकेच्या वतीनं कोरोनाबाधित रुग्ण आढळून येणाऱ्या परिसराला प्रतिबंधित क्षेत्र अर्थात कंटेन्मेंट झोन म्हणून जाहीर केलं जातं. तर संपूर्ण मुंबईत सध्या कोरोना पॉझिटिव्ह रुग्ण आढळून आलेल्या साडेचार हजार इमारती सील करण्यात आल्यात.

मान्सूनच्या आगमनाने मुंबईकर सुखावले! शहरात जोरदार वाऱ्यासह पावसाची एन्ट्री

शहरात आता 50 हजारांच्यावर करोनाचे रुग्ण आहेत. या सर्व कंटेन्मेंट झोनमध्ये यात 18,957 कोरोना रुग्ण आढळलेत. या झोनमधील 4588 इमारतींना सील करण्यात आलं आहे. सध्याचा आकडा पाहता मुंबईतील एकूण लोकसंख्येपैकी 40 टक्के लोकं कंटेन्मेंट झोनमध्ये राहताहेत. संपूर्ण मुंबईतील 42 लाख 18 हजार 818 इतकी लोकसंख्या असलेल्या आणि 9 लाख 50 हजार 578 घरे असलेल्या 798 परिसरांना सील करण्यात आलंय. 

मालाडचा भाग येत असलेल्या पी उत्तर विभागात सर्वाधिक 7 लाख 11 हजार लोक कंटेन्मेंट झोनमध्ये राहतात. एम पूर्व व आर- उत्तर विभागात 100 हून अधिक कंटेन्मेंट झोन आहेत. एम पूर्व विभागात 115  कंटेन्मेंट झोन असून तिथे 1021 कोरोना रुग्ण आहेत. आर- उत्तर विभागात 116 कंटेन्मेट झोन आहेत तिथे कोरोनाचे 332 रुग्णांची नोंद झाली आहे.  अधिक कंटेन्मेंट झोन 9 डी या विभागात आहेत. तिथे 191 रुग्ण आहेत. सी विभाग टी विभाग 10-10 कंटेन्मेंट झोन आहेत. दहिसर असलेल्या आर-उत्तर विभागात सर्वाधिक 116, कुर्ला असलेल्या एल विभागात 115 प्रतिबंधित क्षेत्र जाहीर करण्यात आली आहेत.  सर्वात कमी प्रतिबंधित क्षेत्र ग्रँट रोड, मलबार हिल या डी विभागात आहेत. या भागात 9 प्रतिबंधित क्षेत्र आहेत.