मुंबई : आयुष्यात उतारवयापर्यंत सुसह्य निरोगी जीवनाची अपेक्षा सर्वांकडून केली जाते, मात्र ती अपेक्षा आता कर्करोगामुळे फोल ठरत असल्याचे मुंबई कॅन्सर रजिस्ट्रीच्या आकडेवारीवरून समोर आले आहे. आज वयाची पन्नाशी ओलांडल्यानंतर कर्करोग होण्याचा धोका अधिक असतो. वयाच्या पासष्टीनंतर कर्करोगाने मृत्यू होण्याचे प्रमाण सर्वाधिक आहे. त्याशिवाय महिलांना अनुवांशिकतेतून कर्करोग होण्याची शक्यताही सर्वाधिक असल्याचे आकडेवारीवरून स्पष्ट झाले आहे.
दरवर्षी आढळणाऱ्या एकूण कर्करोगग्रस्त रुग्णांपैकी ८० टक्के रुग्ण हे पन्नाशी ओलांडलेले असतात, असे मुंबई कॅन्सर रजिस्ट्रीचे मानद सचिव, कर्करोग रोगतज्ज्ञ डॉ. विनय देशमाने यांनी सांगितले. या वयात रोगप्रतिकार शक्ती कमी होऊ लागते, त्यामुळे कर्करोगासारखे आजार होण्याची शक्यता अधिक असल्याचे तज्ज्ञ मानतात.
गर्भाशयाच्या मुखाच्या कर्करोगात घट
महिलांमध्ये प्रामुख्याने स्तनांच्या आणि अंडाशयाच्या कर्करोगांचे प्रमाण वाढत आहे; मात्र गर्भाशय मुखाच्या कर्करोगाचे प्रमाण कमी होत आहे. मुंबईत गर्भाशय मुखाचा कर्करोग झालेल्या महिलांची नोंद २००५ मध्ये ६४३; तर २०१५ मध्ये ४७३ झाली होती. तसेच २००५ मध्ये ३३७ महिलांना; तर २०१५ मध्ये ४२४ महिलांना अंडाशयाचा कर्करोग झाल्याची नोंद आहे.
वैयक्तिक स्वच्छतेबाबत झालेली जागरूकता आणि शौचालयांचा वापर यामुळे गर्भाशयाच्या मुखाच्या कर्करोगाचे प्रमाण कमी झाल्याचे डॉ. देशमाने यांनी सांगितले.
Webtitle : senior citizens has higher chances of cancer here are some facts
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.