मुंबई, ता. 7 : "राहुल गांधींना समजून घेण्यात शरद पवार कमी पडले", असे वक्तव्य प्रदेश काँग्रेसचे मंत्री बाळासाहेब थोरात यांनी केले आहे. काँग्रेसच्या नेत्याकडून अशी थेट प्रतिक्रिया आल्याने अनेकांच्या भुवया उंचावल्या आहेत.

काँग्रेस खासदार राहुल गांधी यांच्या नेतृत्व शैलीवर राष्ट्रवादी काँग्रेसचे अध्यक्ष शरद पवार यांनी एका मुलाखतीत भाष्य केल होते. राहुल गांधी यांच्याकडे सातत्याचा अभाव असल्याचे मत पवार यांनी व्यक्त केले होते. यावरून राज्यातील महाविकास आघाडी सरकारमध्ये शाब्दीक चकमकीला  सुरुवात झाल्याचे स्पष्ट झाले. काँग्रेस प्रदेशाध्यक्ष आणि महसुल मंत्री बाळासाहेब थोरात यांनी शरद पवार यांना प्रत्युत्तर दिले आहे.

महत्त्वाची बातमी : तब्बल ८० हजार तरुणांना रोजगाराची संधी उपलब्ध करून देण्याचं लक्ष्य, ऑनलाईन महारोजगार मेळाव्यात करा अप्लाय

याबाबत बोलताना थोरात म्हणाले की, "राहुल गांधी आमचे नेते आहेत आणि त्यांचे नेतृत्व पक्षाने स्विकारले आहे. राहुल यांच्या नेतृत्वाखाली देशपातळीवर काँग्रेस पक्ष संघटीत होत आहे. त्यांनी जिवनात जे दुःख पाहिले, त्यांच्यावर जे आघात झाले त्यातूनही सावरत ते नेतृत्व करत आहेत. शरद पवार यांचे ज्येष्ठत्व आम्ही मान्य करतो, परंतू ते राहुल गांधी यांना समजून घेण्यात कमी पडले असे वाटते".

बाळासाहेब थोरात यांनी प्रसारमाध्यमांशी बोलताना आपले मत मांडले. पुढील काळात राहुल गांधीच पक्षाचे समर्थपणे नेतृत्व करणार आहेत असा विश्वासही थोरात यांनी यावेळी व्यक्त केला. राहुल गांधी जे काम करत आहेत त्यांच्याविरोधात भाजपाच्या यंत्रणा कार्यरत असतात, असेही ते म्हणाले.

मुंबईतील  सर्व महत्त्वाच्या बातम्यांसाठी इथे क्लिक करा । Marathi News From Mumbai

sharad pawar on rahul gandhi and congress leader balasaheb thorat replies to pawar