मुंबई - शिवसेनेच्या दसरा मेळाव्यानंतर राज्यातील शिवसैनिकांमध्ये चांगलाच उत्साह संचारल्याचे चित्र आहे. राज्यातील सत्ता तीन पक्षांच्या महाविकास आघाडीकडे असली तरी, शिवसैनिकांनो तयार रहा, राज्यात एकहाती भगवा फडकवण्याचे आवाहन मुख्यमंत्री आणि शिवसेना पक्षप्रमुख उद्धव ठाकरे यांनी केले आहे.
राज्यातील महाविकास आघाडी सरकारमध्ये सारे काही अलबेल असले तरी, तीन पक्षांचे सरकार नक्की किती दिवस तग धरेल याबाबत राजकिय वर्तुळात होत असते. त्यातच शिवसेनेच्या दसरा मेळाव्यात उद्धव ठाकरेंनी केलेल्या भाषणामुळे शिवसैनिकांमध्ये उत्साह संचारला असल्याचे चित्र सध्या राज्यात दिसत आहे. दसरा मेळाव्यात त्यांनी भाजपवर जोरदार टीका केली होती.
मंगळवारी रात्री उद्धव ठाकरे यांनी राज्यातील सर्व शिवसेना जिल्हाप्रमुखांशी व्हिडिओ कॉन्फरन्सच्या माध्यमातून चर्चा केली. ही चर्चा साधारण मध्यरात्री पर्यंत सुरू असल्याची माहिती मिळत आहे. या चर्चेत ठाकरे यांनी राज्यात एकहाती भगवा फडकवणार असून, त्यासाठी शिवसैनिकांनी तयार रहावे असे म्हटले आहे. ठाकरे यांनी एकहाती भगवा फडकवण्याची भाषा ही कॉंग्रेस आणि राष्ट्रवादी पक्षाला कितपत रुचेल याबाबत चर्चांना उधान आले आहे.
--------------------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.