खोपोली : शिवसेनेने भाजप-आरपीआय युतीत पुन्हा यावे. मुख्यमंत्रीही उद्धव ठाकरेच असतील, असे आवाहन केंद्रीय समाजकल्याण विभागाचे राज्यमंत्री रामदास आठवले यांनी येथे आज केले. खोपोली पालिकेने उभारलेल्या डॉ. बाबासाहेब आंबेडकर यांच्या पूर्णाकृती भव्य पुतळ्याचे लोकार्पण आज रामदास आठवले यांच्या हस्ते झाले.

या वेळी खासदार श्रीरंग बारणे, आमदार महेंद्र थोरवे, माजी सोडा-जीं आमदार सुरेश लाड, माजी नगराध्यक्ष दत्ताजी मसूरकर उपस्थित होते. या |वेळी रामदास आठवले म्हणाले, डॉ. बाबासाहेब आंबेडकर यांचे पुतळे देशातच नाही तर परदेशातही आहेत; मात्र नुसते पुतळे उभारून नाही, तर त्याद्वारे समाजाला त्यांच्या विचारांची दिशा मिळण्याची गरज आहे. मुख्यमंत्री उद्धव ठाकरे यांच्यासाठी आजही भाजपची 'ऑफर' खुली आहे. त्यांनी भाजप-आरपीआय युतीत यावे. तेच राज्याचे मुख्यमंत्री असतील.