मुंबई महापालिकेच्या कथित घोटाळा प्रकरणाची मागील काही दिवसांपासून जोरदार चर्चा आहे. दरम्यान आता या १२००० कोटी रुपयांच्या मुंबई महापालिकेतील कथित आर्थिक अनियमिततेचा तपास करण्यासाठी SIT ची स्थापना करण्यात आली आहे. मुख्यमंत्री एकनाथ शिंदे यांनी हे निर्देष दिले आहेत.

मुंबई पोलीस आयुक्त विवेक फणसाळकर यांच्या नेतृत्वात ही SIT चौकशी करणार आहे. तसेच मुंबई पोलीस आयुक्तांसह इतर विभागातील पोलिस अधिकाऱ्यांचा या एसआयटीमध्ये समावेश असणार आहे. ज्यामध्ये आर्थिक गुन्हे शाखेचे सहपोलीस आयुक्त, आर्थिक गुन्हे शाखेतील पोलीस उपायुक्त आणि साहाय्यक पोलीस आयुक्त आणि इतर अधिकाऱ्यांचा या SIT मध्ये समावेश असणार आहे.

काही दिवसांपूर्वी कॅगच्या अहवालानंतर मुख्यमंत्र्यांनी बीएमसीतील कथित आर्थिक अनियमिततेचा चौकशी करण्यासाठी SIT ची स्थापना करण्याचे आदेश दिले होते. त्यानंतर आता ही एसआयटी या प्रकरणाची चौकशी करणार आहे.