कल्याण : कल्याण-डोंबिवली महानगरपालिका क्षेत्रात सोमवारी म्हणजेच ६ एप्रिल रोजी पुन्हा नवीन सहा रुग्णांची नोंद झाली आहे. त्यामुळे आता पालिका हद्दीत रुग्णांची संख्या ३४ झाली आहे. यापैकी सहा रुग्णांना डिस्चार्ज देण्यात आला आहे. मात्र, शहरात रोज नवीन रुग्ण आढळत असल्याने नागरिकांनी अधिक सतर्क राहण्याची गरज निर्माण झाली आहे. सदर आकडेवारी सहा एप्रिल दुपारी ३ पर्यंतची आहे.
नवीन रुग्णांपैकी तीन रुग्ण हे डोंबिवली पश्चिम, दोन रुग्ण कल्याण पश्चिम, तर एक रुग्ण डोंबिवली पूर्वेतील आहे. कोरोनाबाधित रुग्ण आढळून आलेल्या ठिकाणी कंटेंटमेंट प्लॅनप्रमाणे महापालिकेच्या २१० आरोग्य पथकामार्फत १४ दिवस सर्वेक्षण करण्यात येत आहे. त्याचप्रमाणे सर्व रुग्णांच्या निकट सहवासितांचा शोध घेण्यात येत आहे. आरोग्य कर्मचाऱ्यांमार्फत घरोघरी जाऊन सर्वेक्षण चालू असून, नागरिकांनी घाबरून न जाता सर्दी, ताप, खोकला अशी लक्षणे आढळून आल्‍यास त्‍वरित महापालिकेच्या रुग्‍णालयाशी संपर्क साधावा, असे आवाहन पालिकेच्या आरोग्य विभागाने केले आहे.
मुंबईत कोरोना हॉटस्पॉट्सची संख्या दुप्पट
महाराष्ट्रात मुंबईत कोरोनाचे सर्वाधिक रुग्ण आढळून आलेत. दररोज कोरोना पॉझिटिव्ह रुग्णांचा आकडा वाढतोय. अशात मुंबईकरांची चिंता वाढताना दिसतेय. अशात आता मुंबईतील कोरोना हॉटस्पॉटची संख्या वाढताना पाहायला मिळतेय. काल म्हणजेच ५ एप्रिल २०२० पर्यंत मुंबईत कोरोनाचे ४ हॉटस्पॉट होते त्याच चार हॉटस्पॉटची संख्या ८ वर गेलीये. म्हणजेच मुंबईतील कोरोना हॉटस्पॉटची संख्या दुपटीने वाढलीये. यामध्ये मुंबईतील इ वॉर्ड, एच इस्ट वॉर्ड, पी नॉर्थ वॉर्ड आणि एम वेस्ट वॉर्ड यांचा समावेश आहे
six new cases of corona positive detected from kalyan dombivali area
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.