child sarvesh dhodi sakal media
मुंबई

मोखाडा : लसीकरणानंतर बालकाचा संशयास्पद मृत्यू; पोलिसांत तक्रार

सकाळ वृत्तसेवा

मोखाडा : मोखाडा तालुक्यातील (Mokhada) कोशिमशेत गावातील एका 16 महिन्यांच्या मुलाला एमआर व ट्रिपल पोलिओ बूस्टर डोस (polio booster vaccine) दिल्यानंतर त्याचा मृत्यू (child death) झाल्याचा आरोप त्याच्या पालकांनी केला आहे. मृत्यू पावलेल्या बालकाचे सर्वेश अशोक धोडी ( 16 ) असे नाव असून, आपल्या बालकाच्या मृत्यूची चौकशी करण्याबाबतची तक्रार पालकांनी मोखाडा पोलीस ठाण्यात (Mokhada police station) केली आहे. 

सविस्तर वृत्त असं की, मोखाड्यातील कोशिमशेत येथे 10  फेब्रुवारीला  वाशाळा प्राथमिक आरोग्य केंद्राच्या परिचारिकांनी, घरी येऊन एम आर व ट्रिपल पोलिओ बूस्टरचा डोस सर्वेश धोडी  (16)  या बालकाला दिला होता. सर्वेशला 9 तारखेला 16 महिने पूर्ण झाले असल्याने, उशिराने डोस द्या असे सर्वेशची आई मंगला धोडी हीने परिचारीकेला सांगितले. परंतु त्यांनी ऐकले नाही, असा आरोपा मंगला धोडी यांनी केला आहे.

हा डोस दिल्यानंतर काही वेळातच सर्वेशला ताप आला, डोस दिल्याने ताप आला असावा असे वाटल्याने, मंगलाने परिचारिकेने दिलेले औषध सर्वेश ला दिले. मात्र, सर्वेश चा ताप कमी होत नसल्याने व तब्ब्येत खालावल्याने 12 तारखेला खोडाळा येथील खाजगी दवाखान्यात त्याला ऊपचारासाठी आणण्यात आले होते. अंगात ताप खूप असल्याने सर्वेश ला आकडी येऊ लागल्या. अखेर, खाजगी दवाखान्यात त्याच्यावर उपचार करण्यात आले नाही, असाही आरोप त्याच्या कुटुंबियांनी केला आहे. खासगी डॉक्टरांनी त्याला मोखाड्याच्या ग्रामीण रुग्णालयात दाखल करण्याचा सल्ला दिल्यानंतर त्यांनी लगेच मोखाड्याच्या ग्रामीण रुग्णालयात दाखल केले. 

दरम्यान, उपचारा आगोदरच सर्वेश चा  15  फेब्रुवारी ला मृत्यू झाल्याचे डॉक्टरांनी सांगितले, अशी माहिती त्याच्या कुटुंबियांनी दिली आहे. या घटने विषयी सर्वेशच्या कुटुंबियांनी मोखाडा पोलीस ठाण्यात, बालकाच्या मृत्यू ची चौकशी ची मागणी करत तक्रार दाखल केली आहे. दरम्यान, मोखाडा पोलीसांनी आकस्मिक मृत्यूची नोंद  ( ADR ) करून घटनेचा अधिक तपास सुरु केला आहे.

मृत बालकाचे शवविच्छेदन करण्यात आले असून, अवशेष जे जे रूग्णालयात तपासणीसाठी पाठविण्यात आले आहेत. त्याचा अहवाल आल्यानंतर सत्यता समोर येणार आहे. त्यामुळे अहवालाची वाट पहावी लागणार आहे. 

- डाॅ. भाऊसाहेब चत्तर, तालुका वैद्यकीय अधिकारी, मोखाडा. 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Mohan Bhagwat: ७५ वर्षांसंबंधीचं 'ते' विधान भागवतांनी नेमकं का केलं? संघाकडून स्पष्टीकरण, विरोधकांचा मोदींवर रोख

Manchar News : काय सांगता! वृद्ध महिलेचे घरच गेले ‘चोरीला’; न्यायासाठी धावपळ सुरू

Latest Marathi News Updates : नाशिक जिल्हा परिषदेतील उपमुख्य कार्यकारी अधिकारी निलंबित

Palghar News: वसई-विरारमध्ये नालासोपाऱ्यात अमली पदार्थांचा पर्दाफाश, 12 आरोपी अटक

IND vs ENG 3rd Test: 'चेंडू'वरून रामायण! शुभमन गिलचं वाद घालणं चुकीचं नव्हतं; अम्पायरने काय केले, ते वाचाच...

SCROLL FOR NEXT