रायगड - कोरोना व्हायरसमुळे जनजीवन विस्कळीत झालं आहे. देशभरात लॉकडाऊन सुरु आहे. लॉकडाऊनच्या काळात सर्वच व्यवहार ठप्प झाले. यामुळे मजुरांवर उपासमारीची वेळ आली. तसंच कामचं ठप्प असल्यानं या मजुरांनी आपल्या गावची वाट धरली. लॉकडाऊनच्या तिसऱ्या टप्प्यात अडकलेल्या मजुरांना आपआपल्या गावी पोहोचण्यासाठी सरकारनं विशेष ट्रेन आणि एसटी बसचं आयोजन केलं आहे. पण अशातच रायगडमध्ये एक मन हेलावणारी घटना घडली आहे. मुंबईहून निघालेल्या एका चाकरमान्याचा वाटेतच मृत्यू झाल्याची वाईट बातमी समोर आली आहे. 

हा चाकरमानी मुंबईहून चालत आपल्या गावी जात होता. मुंबई-गोवा महामार्गावरील रात्री ही दुर्दैवी घटना घडली. मोतीराम जाधव असं मृत व्यक्तीचं नाव आहे. मोतीराम हे आपल्या कुटुंबासह मुंबईतल्या कांदिवलीमधून श्रीवर्धन येथे आपल्या गावी जाण्यासाठी चालत निघाले होते. यादरम्यान पेण तालुक्यातल्या जिते गावाजवळ त्यांना मृत्यूनं गाठलं. 

सावध व्हा ! कोरोनानंतर मुलांना होतोय 'कावासाकी' आजार, जाणून घ्या काय आहे प्रकरण

वडिलांचं छत्र हरपलं 

मुंबईत कामधंदा ठप्प झाल्यानं गावच्या घराच्या ओढीनं मोतीराम हे आपल्या चिमुकल्यांना घेऊन रस्त्यानं निघाले होते. याच दरम्यान वडिलांचा मृत्यू पाहण्याची दुर्देवी वेळ ही या चिमुकल्यांवर आली आहे. रायगडमध्ये अशी ही तिसरी घटना घडली आहे. 

अनेक कामगार, मजूर आपआपल्या गावी जात आहेत. सरकारनं विशेष ट्रेन, बसची सुविधा केली आहे. दरम्यान चाकरमान्यांनाही त्याच्या गावी पाठवण्यासाठी सरकारनं परिपत्रक काढून त्यांना विशेष रेल्वेनं त्वरित पाठवावं, अशी मागणी मुख्यमंत्री उद्धव ठाकरे यांना माजी आमदार माणिक जगताप यांनी केली आहे. 

'18 मे'पासून पुढे काय? कसा असेल नव्या ढंगातील लॉकडाऊन 4.0, वाचा महत्त्वाची बातमी...

राज्यभरात अनेक मजूर, कामगार, विद्यार्थी, पर्यटक राज्यभरातल्या वेगवेगळ्या जिल्ह्यात अडकले. या अडकलेल्या नागरिकांसाठी एसटी महामंडळाकडून मोफत बस सेवा सुरु करण्यात आली आहे.

sons lost their father on their way back to home read emotional story