मुंबई : मुंबई मेट्रोकडून एक अनोखं पाऊल उचललं जाणार आहे. या नवीन प्रयोगामुळे मुंबईकरांना आपण कुठे आहोत, तसेच त्या मार्गावरील कोणतीही जागा शोधणे सहज आणि सोपं होणार आहे.

महत्त्वाची बातमी : "राज्यातील तीन पक्षाच्या सरकारच्या मुस्काटात आज सणसणीत बसली" - राम कदम

मुंबई महानगर प्रदेश विकास प्राधिकरणाकडून विविध मेट्रो प्रकल्पांचे काम जोरात सुरु आहे. या दरम्यान मुंबई मेट्रोकडून मेट्रो खांबांवर आता कलर कोडिंग केलं जाणार आहे. मेट्रो मार्गांची उभारणी करण्यासाठी बनवलेल्या मेट्रोच्या सिमेंट खांबांवर विशेष नंबर्स टाकण्यात येणार आहेत. या क्रमांकांसोबतच विशेष कलर कोडिंगही करण्यात येणार आहे.

मिळालेल्या माहितीनुसार हा नवीन प्रयोग सर्वात आधी ट्रो ७ आणि आणि मेट्रो २ ए वर राबवण्यात येणार आहे. मेट्रो ७ च्या खांबांवर लाल तर मेट्रो २ ए वर खांबांवर पिवळा रंग देण्यात येणार आहे असं समजतंय. 

महत्त्वाची बातमी : मुंबईकरांची यंदाची दिवाळी शांततेत; गेल्या १५ वर्षांतील सर्वात कमी आवाजाची नोंद

मेट्रो परिसरात प्रचंड गर्दी असते. अशात खांबांवरील कलर कोडींगमुळे आणि त्यावरील क्रमांकांमुळे प्रवाशांना आपण नक्की कुठे आहोत त्याचसोबत आसपासच्या इमारती त्याचसोबत विविध दुकानदारांना देखील याचा फायदा होणार आहे. येत्या काळात MMRDA मार्फत सदर संकल्पना सर्व मेट्रो मार्गांवर राबवण्यात येणार आहे असं सांगण्यात येतंय.

special color coding on the polls of mumbai metro will now tell exact location