मुंबई : मलेरिया, डेंगीचा डास बाटलीचे झाकण, टायर, थर्माकॉल, नारळाच्या करवंट्या तसेच चमचाभर पाण्यातही आढळून येत आहे. त्यामुळे घरातील तसेच परिसरातील पाणी साचतील अशी ठिकाणे काळजीपूर्वक नष्ट करावी, असे आवाहन पालिकेच्या  किटकनाशक विभागाचे प्रमुख राजन नारिंग्रेकर यांनी केले आहे. महापालिकेने जानेवारीपासून 24 ऑगस्टपर्यंत डेंगी पसरवणाऱ्या एडिस डांसाची तब्बल 35 हजार 151 उत्पत्ती स्थाने नष्ट केली आहेत. तर, मलेरीया पसरविणाऱ्या एनोफिलीस डासांची 8 हजार 456 उत्पत्ती स्थाने नष्ट केल्याची माहितीही त्यांनी दिली.

कोरोनाबाधित रुग्णांच्या उपचारासाठी जीवक रोबोट दाखल; डॉक्टरांचाही धोका होणार कमी

कुलाबा ते शिव, धारावीपर्यंत मलेरिया, डेंगीचे रुग्ण आढळून येत आहेत. ऑगस्ट महिन्याच्या 21 दिवसात तब्बल 897 मलेरीया रुग्णांची नोंद झाली आहे. तर, वरळी प्रभादेवी या जी दक्षिण प्रभागात 314 रुग्ण आढळले असून भायखळा, माझगाव ई प्रभागात 106 रुग्णांची नोंद झाली आहे. तर, आता पर्यंत दोन रुग्णांचा मृत्यू झाला आहे.विशेषत: शहर विभागात जास्त रुग्ण असल्याने त्या भागात विशेष मोहिम राबविण्यात येत आहे.

सार्वजनिक मालवाहतूकदारांना दिलासा; राज्यसरकारकडून 700 कोटींची करमाफी

6 ऑगस्टपासून सुरु झालेल्या या मोहिमेत शहर विभागातील 6 हजार 508 इमारतींची तपासणी करण्यात आली. त्यात डांसांची उत्पत्ती होऊ शकेल अशी 20 हजार 772 ठिकाणे सापडली. त्यापैकी 829 ठिकाणी मलेरियाचे डास सापडला आहे. तर, जी दक्षिण प्रभागात 20 हजार 232 संभाव्य उत्पत्तीस्थाने शोधण्यात आली. त्यात,152 ठिकाणी मलेरियाच्या डासांची उत्पत्ती आढळून आली. तर, ई प्रभागात 4 हजार 326 ठिकाणांपैकी 163 ठिकाणी मलेरियाचे डास सापडले, असे राजन नारिंग्रेकर यांनी सांगितले.

मुंबईकरांनो...पाऊल सांभाळून टाका! कोरोनामुळे रस्ते,पदपथ आणि पुलांच्या दुरूस्तीला कात्री

ही ठिकाणेही धोकादायक
- वातनुकूलीत यंत्रातील पाणी साचलेले ट्रे किंवा भांडी
- रेफ्रिजरेटरची डीफ्रॉस्ट ट्रे
-कुंड्यांखालील ताटल्या

हे करावे
- आठवड्यातील एक दिवस ड्राय डे म्हणून पाळावा
- पाणी साचविण्याची सर्व भांडी आठवड्यातून एक दिवस पुर्ण कोरडी करुन पसून घ्यावी
- पिंप तसेच इतर भांडी पुर्णपणे झाकून ठेवावीत
- घरातील आणि परीसरात कोठेही पाणी साचून राहाणार नाही याची खबरदारी घ्यावी