मुंबई : राज्यातील अकृषी विद्यापीठाच्या अंतिम सत्राची परीक्षा राज्य सरकारने रद्द केली आहे. यानंतरही राज्याचे राज्यपाल भगतसिंग कोश्यारी यांनी विद्यापीठ कायद्यानुसार परीक्षा घेण्याची सूचना राज्य सरकारला केली आहे. या भूमिकेचा विद्यार्थी भारती संघटनेने  कल्याण पूर्वेकडील बापगाव येथे फिजिकल डिस्टनसिंग पाळत काळे मास्क घालून केला निषेध व्यक्त केला.

राज्यातील अंतिम सत्राच्या परीक्षेवरून राजकारण रंगले आहे. या गोंधळात विद्यार्थी आणि पालक संभ्रमात पडले आहेत. कोरोनाची परिस्थिती आटोक्यात येत नसल्याने परीक्षा घेणे विद्यापीठांसमोर एक आव्हान निर्माण झाले आहे. विद्यार्थ्यांच्या सुरक्षेच्या कारणास्तव परीक्षा रद्द करून मागील परीक्षांच्या आधारे गुणदान करण्याचा तसेच ज्यांना परीक्षा द्यायची आहे अशा विद्यार्थ्यांची परीक्षा घेण्यात येईल, असे सरकारने जाहीर केले आहे. हा निर्णय विद्यार्थी हिताचा असल्याने राज्यपालांनी केवळ राजकारणासाठी सरकारविरोधी भूमिका घेऊ नये, असे आवाहन यावेळी विद्यार्थी भारती संघटनेकडून करण्यात आले.

हेही वाचा: लॉकडाऊन शिथिल झाला पण 'ही' काळजी घेणं आवश्यक; WHO नं मास्कबाबत नव्या गाईडलाईन्स केल्या जारी

पंतप्रधानांनी वटहुकूम काढून भारतातील सर्वच राज्यातील अंतिम सत्राच्या परीक्षा रद्द कराव्यात.  परीक्षा रद्द न झाल्यास विद्यार्थी भारती झोपमोड आंदोलन करेल, असा इशारा विद्यार्थी भारती राज्यद्याक्षा मंजिरी धुरी यांनी दिला आहे.

हेही वाचा: अधिकार नसलेल्या अधिकाऱ्याने काढलेले परिपत्रक रद्द करा; इंटकची मागणी

अंतिम वर्षाच्या परीक्षांवर राजकारण नको:
अंतिम वर्षाच्या परीक्षांचे राजकारण अत्यंत निंदनीय आहे. यामुळे विद्यार्थ्यांमध्ये भीती व अनिश्चितता निर्माण झाली आहे, असे स्टुडंट्स इस्लामिक ऑर्गनायझेशन ऑफ इंडियाने (एसआयओ)  राज्यपाल आणि राज्य सरकारला लिहिलेल्या एका पत्रात म्हंटले आहे. विद्यापीठाच्या परीक्षांच्या विषयावर पक्षपात करण्याऐवजी सर्वसहमतीने निर्णय घेण्याची गरज संघटनेने व्यक्त केली आहे.

students union protest for cancelling last year exam read full story