मुंबई : कोरोनाच्या पार्श्वभूमीवर लागू करण्यात आलेल्या लॉकडाऊनमुळे मुंबईतील शाळा बंद ठेवण्यात आल्या आहेत. मात्र विद्यार्थ्यांना 27 शालेय वस्तुंचा पुरवठा वेळेत करता यावा, यासाठी मुख्याध्यापक व शिक्षकांसह अन्य कामगारांना 15 जूनपासून शाळेत हजर राहण्याच्या सूचना पालिका शिक्षण विभागाने केल्या आहेत.
मुंबई महापालिका शाळांत तीन लाख विद्यार्थी शिक्षण घेत आहेत. पालिका शाळांत येणाऱ्या विद्यार्थ्यांची घरची परिस्थिती अत्यंत बिकट असल्याने शिक्षण विभागाच्या माध्यमातून वह्या, पुस्तके, पेन, पॅन्सिल ,बूट अशा 27 शालेय वस्तुंचा पुरवठा करण्यात येतो. परंतु कोरोना आणि लॉकडाऊन यामुळे सगळीच कामे ठप्प आहेत. अनेक शिक्षक कोरोना योद्धा म्हणून काम करत आहेत. त्यामुळे जे गावी अथवा मुंबई बाहेर गेलेले मुख्याध्यापक , शिक्षक व कर्मचारी यांनी 15 जूनपासून शाळेत उपस्थित रहावे. जेणे करुन विद्यार्थ्यांना पुस्तके, वह्या, पेन, पॅन्सिल रबर आदी वस्तुंचे लवकर वाटप करणे शक्य होईल, असेही शिक्षण विभागाने म्हटले आहे.
शिक्षक 15 जूनला गैरहजर असल्यास उन्हाळी वेतन कापले जाणार नाही. कोरोनामुळे काही शिक्षक अडकले असून आता ये - जा करण्याची सोय उपलब्ध असल्याने 15 जूनपूर्वी शालेय कर्मचारी हजर होणार आहे.
- महेश पालकर, शिक्षण अधिकारी.
पालिका शाळा
प्राथमिक शाळा - 1,038
माध्यमिक शाळा - 149
एकूण विद्यार्थी - 2,96,815
शिक्षक - 10,894
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.