मुंबई : जळगावमधील घरकुल योजनेच्या गैरव्यवहारामध्ये दोषी ठरलेले माजी मंत्री सुरेश जैन यांनी आता सत्र न्यायालयाच्या शिक्षेविरोधात मुंबई उच्च न्यायालयात अपील याचिका केली आहे. जळगाव सत्र न्यायालयाने त्यांना सात वर्ष कारावासाची शिक्षा सुनावली आहे.
सुमारे 29 कोटी रुपयांचा गैरव्यवहार घरकुल योजनेत झाल्याचा आरोपामध्ये जिल्हा सत्र न्यायालयाने जैन यांच्यासह अन्य 47 जणांना दोषी ठरवून शिक्षा सुनावली आहे. तसेच शिक्षा सुनावल्याच्या दिवशीच सर्व आरोपींना अटक करण्याचे निर्देश दिले होते. याचबरोबर तब्बल 100 कोटी रुपयांचा दंडही न्यायालयाने त्यांना सुनावला आहे. या निकालाविरोधात जैन यांनी नुकतेच उच्च न्यायालयात ऍड. सुभाष जाधव यांच्यामार्फत अपील याचिका केली आहे. अपीलावर सुनावणी होईपर्यंत शिक्षेला स्थगिती द्यावी, अशी मागणीही याचिकेत केली आहे.
जैन यांच्यासह माजी राज्यमंत्री गुलाबराव देवकर यांच्यासह नगरसेवक आणि अधिकाऱ्यांचा आरोपींमध्ये समावेश आहे. घरकुल योजनेत सुमारे 5000 घरांची बांधणी होणार होती. मात्र, अवघ्या 1500 घरांची बांधणी करण्यात आली.
बांधकाम व्यावसायिक आणि अधिकाऱ्यांशी हातमिळवणी करुन आरोपींनी संगनमताने यामध्ये गैरप्रकार केले असा ठपका फिर्यादीमध्ये करण्यात आला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.