मुंबईः ठाण्यात भीषण अपघात झाल्याची घटना घडली आहे. ठाणे पश्चिमेकडील रेती बंदरच्या पुलावर हा अपघात झाला आहे. या पुलावरुन कंटेनर थेट खाडीत कोसळल्याची माहिती समोर आली आहे. हा अपघाताची माहिती मिळताच कळवा पोलिस आणि अग्निशमन दलाचे जवान घटनास्थळी तात्काळ दाखल झाले. एका बोटीच्या मदतीनं बचावकार्य राबवण्यात आलं. 

सकाळी पावणे सहाच्या सुमारास हा अपघात झाला आहे. खारेगाव टोलनाक्यापासून काही अंतरावर ही घटना घडली. अपघातग्रस्त कंटेनरचा क्र. MH 04 HY 8691 असा असून हा कंटनेर राजेंद्र घोरपडे यांच्या मालकीचा आहे. ५५ वर्षीय रमेश पांडे नावाचा चालक हा कंटेनर भिवंडीहून न्वाहा शेवाकडे निघाला होता. 

अधिक वाचाः  अविनाश जाधव यांच्यासाठी कृष्णकुंजहून आला तीन अक्षरी खास निरोप

रेतीबंदर पुलाचा संरक्षक कठडा तोडून हा कंटेनर खाडीत कोसळला. दरम्यान कंटेनरचा चालक पांडे याला वाचवण्यात यश आलं असून त्याला माजिवाड येथील परम रुग्णालयात उपचारासाठी दाखल करण्यात आलं आहे. चालकाची प्रकृती स्थिर असल्याची माहिती पोलिसांनी दिली. तर या अपघाताचं नेमकं कारण अद्याप अस्पष्ट आहे. 

हेही वाचाः  येत्या 24 तासात मुंबईत कसा असेल पाऊस, जाणून घ्या पावसाचे अपडेट्स

thane accident contianer break retibunder creek bridge one injuried