मुंबईः महिलाचं लैंगिक शोषण करणाऱ्या एकाला मुंबई पोलिसांनी बेड्या ठोकल्या आहेत. हा भामटा नोकरीचं आमिष दाखवून महिला आणि तरुणींना प्रेमाच्या जाळ्यात अडकवायचा. आरोपी तरुणींचे व्हिडिओ पॉर्न वेबसाइटवर अपलोड करायचा, अशी माहिती चौकशीदरम्यान समोर आली आहे. आरोपीचं नाव मिलिंद झाडे आहे. आरोपी ठाणे म्युनिसिपल ट्रान्सपोर्टमध्ये (टीएमटी) बस कंडक्टर म्हणून कार्यरत असल्याची माहिती मिळाली आहे. 

आरोपीनं शिव वैशाली नावानं ही वेबसाइट सुरु केली होती. त्यावर मिलिंद झाडे पॉर्न असलेला कंटेंट अपलोड करायचा. तसंच इंटरनेट यूजर्सकडून हे पॉर्न व्हिडिओ पाहण्यासाठी आरोपी पैसेही आकारत होता. मिलिंद झाडे यानं सुरु केलेल्या वेबसाइटवर अनेक तरुणींचे आक्षेपार्ह व्हिडिओ क्राईम ब्रांचला आढळून आलेत. 

धक्कादायक बाब म्हणजे, आरोपीनं पॉर्न व्हिडिओतून हजारो डॉलर्सही कमावलेत. चौकशीदरम्यान समोर आलं की, लाखो रुपये पगाराची नोकरी देण्याचं आमिष दाखवून अनेक महिलांना आरोपी मिलिंद झाडे यांनी आपल्या जाळ्यात ओढलं होतं.

अधिक वाचाः  मुंबई पालिकेच्या दवाखान्यांसह रुग्णालयात होणार कोविड चाचणी

त्यात एक पिझ्झा स्टोअरमध्ये काम करणाऱ्या तरुणीला आरोपीनं लाखो रुपयांची नोकरी देण्याचं आमिष दाखवून आरोपीनं शारिरीक संबंध बनवले होते. त्यानंतर आरोपीनं तिचा व्हिडिओ वेबसाइटवर अपलोड केला. वेबसाइटवर अपलोड केलेला पीडित तरुणीच्या एका नातलगानं पाहिला आणि त्यानंतर हा संपूर्ण प्रकार उघडकीस आला.

अधिक वाचाः  ईदच्या दिवशी आवाजाची पातळी कमी, आवाज फाउंडेशनकडून नोंद

आरोपी मिलिंद झाडे विक्रमगड पोलिस स्टेशनमध्ये बलात्काराचा गुन्हा दाखल करण्यात आला आहे. तसंच हे प्रकरण उघडकीस आल्यानंतर चौकशीदरम्यान आरोपीनं काही तरुणींचे लैंगिक शोषण केल्याचं क्राईम ब्रांचला समजले आहे. आणखी एका तरुणीनं वालीव पोलिस स्टेशनमझ्ये आरोपीविरोधात बलात्काराचा गुन्हा दाखल केला आहे.

Thane Bus Conductor arrested Milind zade uploading adult video website