मुंबई : शवविच्छेदन प्रक्रिया(post mortem ) शवाचे परीक्षण किंवा निदान करण्यात येते. यासाठी शवचिकित्सा हा शब्दप्रयोग योग्य आहे. शवाचे विच्छेदन हा शब्दप्रयोग नकारात्मक भिती निर्माण करतो. त्यामुळे वैद्यकीयशास्त्रामध्य शास्त्रीय पद्धतीने मृत्यूचे कारण तपासण्यासाठी शवाचे परिक्षण केले जाते या प्रक्रियेला शव विच्छेदन हा शब्दप्रयोग न करता शवचिकित्सा हा शब्दप्रयोग करावा अशी मागणी शिवसेनेचे नगरसेवक सचिन पडवळ यांनी महापौर किशोरी पेडणेकर यांच्याकडे केली आहे.

यासाठी वैद्यकीय विभागाशी चर्चा करून योग्य निर्णय घ्यावा असे ही पडवळ यांनी निवेदनपत्रात म्हटले आहे. एखादी मृत झाल्यावर शवाचे परीक्षण किंवा निदान करण्यात येते. या प्रक्रियेसाठी आता पर्यंत शवविच्छेदन हा शब्दप्रयोग वापरण्यात येतो. मात्र यासाठी शवचिकित्सा हा शब्दप्रयोग योग्य असून शवाचे विच्छेदन हा शब्दप्रयोग नकारात्मक भिती निर्माण करत असल्याची भावना लोकमानसात असल्याचे नगरसेवक सचिन पडवळ यांनी सांगितले.

वैद्यकीयशास्त्रात (health )शास्त्रीय पद्धतीने मृत्यूचे कारण तपासण्याच्या प्रक्रियेला शवचिकित्सा हा शब्दप्रयोग करावा अशी मागणी पडवळ यांनी महापौर किशोरी पेडणेकर यांच्याकडे केली आहे. केईएम रुग्णालयाचे(kem hospital) न्यायवैद्यक शास्त्र विभागाचे प्रमुख डाॅ. रविंद्र देवकर यांनी ही यासाठी पुढाकार घेतला होता.

यावेळी उपमहापौर सुहास वाडकर, नगरसेविका सिंधुताई मसुरकर व उर्मिला पांचाळ तसेच नगरसेवक समाधान सरवणकर उपस्थित होते. यावर संबंधित अधिकारी व डॉक्टर यांच्याशी चर्चा करून योग्य तो निर्णय घेण्यात येईल असे आश्वासन महापौर किशोरीताई(kishori pednekar) यांनी दिले.