मुंबई : भारत-चीन यांच्यात सीमेवर झालेल्या तणावाच्या पार्श्वभूमीवर मुंबई महानगर प्रदेश विकास प्राधिकरणाकडून (एमएमआरडीए) मुंबईतील दहा मोनोरेलच्या रेकसाठी चिनी कंपन्यांकडून मागवलेल्या निविदा रद्द केल्या होत्या. आता या रेक निर्मितीसाठी तीन भारतीय कंपनी इच्छुक असल्याचे एमएमआरडीएकडून सांगण्यात आले.
याबाबत शुक्रवारी भारत हेवी इलेक्ट्रिकल लि. (भेल) आणि भारत अर्थ मूवर्स लि. (बीईएमएल) या भारतीय कंपन्यांनाबरोबर चर्चा सुरु असल्याची माहिती ट्विटरवरून देण्यात आली. तसेच मेट्रो 2 ए (दहिसर-डीएन नगर) आणि मेट्रो -7 (दहिसर -अंधेरी ) या मार्गिकेच्या मेट्रो रेक निर्मितीही भारतीय कंपन्याकडे देण्याचा निर्णय एमएमआरडीएने घेतला आहे.
चीनच्या आर्थिक नाड्या आवळण्यासठी भारतातील मोठ्या प्रकल्पांमधूनही चिनी कंपन्यांना हद्दपार करण्यात आले. त्यानंतर एमएमआरडीएने दहा मोनो रेल्वे तयार करण्यासाठी चिनी कंपन्यांकडून निविदा मागवल्या होत्या. त्यासाठी दोन कंपन्यांनी या निविद्या पाठवल्या होत्या. मात्र त्यांच्याकडून सातत्याने नियम-अटी आणि पात्रतेच्या निकषांबाबत पुनर्विचार करण्याची मागणी एमएमआरडीएकडे होत होती. मात्र सध्यपरिस्थितीत या कंपन्यांची निविदा प्रक्रिया रद्द करण्यात आल्या.
यानंतर भारत सरकारने मेक इन इंडिया योजनांना प्रोत्साहन देण्यासाठी, विविध धोरणं जाहीर केली आहेत. त्यानुसार मोनोरेल रेक निर्मितीचे काम भारतीय कंपन्यांना देण्याचा निर्णय झाला . याबाबत शुक्रवारी एमएमआरडीएने तीन भारतीय कंपन्याबरोबर मोनोरेल रेक निमिर्तीची चर्चा सुरु असल्याचे सांगितले. तसेच एमएमआरडीएने मेट्रो 2 ए आणि मेट्रो 7 साठी 378 डबे बांधण्याची जबाबदारी बेंगळुरू बीईएमएल कंपनीला दिली आहे. मात्र आता या मार्गिकेचे मेट्रो रेक निर्मिती भारतीय कंपन्याकडे देण्याचा निर्णय घेतला आहे.
भारतीय कंपन्यांचा सहभाग सक्षम करण्यासाठी अशा प्रकारच्या प्रकल्पांवर मागील दहा वर्षांपासून पात्रता निकषांमध्ये सुधारणा करण्यात आली आहे आता अशा प्रकल्पांसाठी भारतीय कंपन्या भेल आणि बीईएमएल या भारतीय उत्पादकांशी संवाद सुरु असल्याचे एमएमआरडीने सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.