मुंबई : बुलीबाई ॲप प्रकरणातील ((bulli bai app case) आरोपी श्वेता सिंहने (Shweta singh) मुंबई सत्र न्यायालयात (Mumbai session court) जामिनासाठी आज अर्ज दाखल केला. श्वेताला मुंबई पोलिसांनी (Mumbai police) उत्तराखंडमधून अटक केली आहे. मुस्लिम समाजातील महिलांचा आक्षेपार्ह तपशील असलेल्या बुलीबाई ॲपची निर्मिती श्वेतासह अन्य दोघांनी केल्याचा आरोप पोलिसांच्या सायबर विभागाने ठेवला आहे. तिने जामिनासाठी वांद्रे महानगर दंडाधिकारी न्यायालयात अर्ज केला होता.

मात्र, हा अर्ज नामंजूर करण्यात आला. त्यामुळे तिने आता सत्र न्यायालयात अर्ज केला आहे. मुंबई पोलिसांनी यात सहा जणांना अटक केली आहे. यात काही जण अन्य राज्यातील आहेत. आरोपींनी स्वतःची ओळख लपवून समाजमाध्यमांवर ‘पोस्ट’ टाकल्या आणि शीख समुदायातील व्यक्तींची नावे घेतली, असा खुलासा पोलिसांनी केला आहे.