मुंबई : मुंबई महापालिकेचा अर्थसंकल्प (bmc budget) हा निवडणुकीच्या (election) पार्श्वभूमीवर मुंबईकरांची फसवणूक करणारा, भ्रष्टाचाराला (corruption) प्रोत्साहन देणारा, मुंबईकरांच्या तोंडाला पाने पुसणारा आणि मुंबईच्या विकासाचे स्वप्न हरवलेला आहे, अशी प्रतिक्रिया विधान परिषदेतील विरोधी पक्षनेते प्रवीण दरेकर (Pravin darekar) यांनी व्यक्त केली. दरेकर म्हणाले की, मराठी भाषा भवनासाठी काहीही तरतूद अर्थसंकल्पात दिसत नाही.
मराठी शाळा बंद होत असताना महापालिकेला उर्दू भाषा भवन आणि पब्लिक स्कूल कशासाठी हव्या आहेत, हा प्रश्न आहे. वन रूपी क्लिनिकच्या घोषणेचे काय झाले? ३०० शिवआरोग्य केंद्रे उभारण्यासाठी ३० कोटींची तरतूद अत्यंत तोकडी आहे. पाचशे चौरस फुटांपेक्षा मोठ्या घरांचा कर माफ केलेला नाही.
आरोग्य सेवांसाठी चार हजार ७६० कोटींची, तर बेस्टसाठीची ८०० कोटींची तरतूद अपुरी आहे. कोस्टल रोडसाठी केलेली तरतूदही कमी आहे. महसुली तूट असताना उत्पन्नवाढीची कोणतीही ठोस उपाययोजना नाही. उलटपक्षी विविध सेवा आणि छाननी शुल्कात वाढ करून मुंबईकरांवरील कराचा बोजा वाढवलेला आहे. सत्ताधाऱ्यांनी दाखविलेल्या मोठमोठ्या स्वप्नांचा चक्काचूर करणारा हा अर्थसंकल्प आहे, अशी टीकाही दरकेर यांनी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.