पालघर : पालघर मनोर रस्त्यावरील वाघोबा घाटात कुजलेल्या अवस्थेत एका महिलेचा मृतदेह (Woman deadbody) आढळून आला होता. पालघर पोलिसांनी (palghar police) जो खुनाचा छडा लावत दोन संशयितांना (suspected culprit arrested) अटक केली आहे. पालघर न्यायालयात आज दोघांना हजर केले असता १० फेब्रुवारीपर्यंत पोलिस कोठडी सुनावली आहे. गुरुवारी (ता. ३) वाघोबा घाटात एका महिलेचे कुजलेल्या अवस्थेत मृतदेह आढळून आला होता. याप्रकरणी भाविका पाटील यांनी दिलेल्या फिर्यादीवरून अनोळखी इसमाविरुद्ध पालघर पोलिस ठाण्यात गुन्हा दाखल करण्यात आला होता.

पोलिस अधीक्षक दत्तात्रेय शिंदे यांनी विभागीय पोलिस अधिकारी नीता पाडवी यांच्या मार्गदर्शनाखाली तपास पथक नेमले होते. या तपास पथकाने महिला वांद्रा पोलिस ठाण्यामध्ये हरवल्याची तक्रार दाखल झालेली होती. त्यावरून तपास करून दोन संशयितांना कनेर फाटा (विरार) व वांद्रा (मुंबई) येथून दोघांना ताब्यात घेतले. त्यांनी प्रेमसंबंधातून वाघोबा घाटात त्या महिलेला ठार मारल्याचे कबूल केले.