विरार : राज्यात कोरोनाचा प्रादुर्भाव (corona infection) कमी झाला आहे; मात्र तरीदेखील लसीकरण मोहीम (vaccination drive) वेगाने सुरू आहे. विशेष म्हणजे किशोरवयीन मुलांच्या लसीकरणाला प्राधान्य देण्यात येत आहे. राज्यभर सुरू असलेल्या मुलांच्या लसीकरणात वसई-विरार पालिका (vasai-virar municipal) दुसऱ्या क्रमांकावर आहे. वसई-विरारमध्ये १५ ते १८ वयोगटातील मुलांना १०० टक्के पहिला डोस देण्यात आला आहे; तर दोन्ही डोस मिळून एक लाख २६ हजार १४३ लसीकरण झाले आहे. वसई-विरार महापालिका हद्दीत आतापर्यंत ८४ हजार ८६३ मुलांनी पहिला डोस (first vaccination dose) घेतला आहे; तर ४१ हजार २८० मुलांनी दुसरा डोस घेतला आहे.
मुलांच्या लसीकरणाबरोबरच इतर वयोगटातील लसीकरणातदेखील वसई-विरार पालिका आघाडीवर आहे. आतापर्यंत नऊ लाख ८३ हजार नागरिकांची पहिला डोस पूर्ण केला होता. आतापर्यंत ९७.३ टक्के लसीकरण झाले आहे.
वसई-विरार पालिका हद्दीत १०० टक्के लसीकरण पूर्ण व्हावे यासाठी पालिकेचे प्रयत्न सुरू आहेत. त्यामुळे दुसरा डोस न घेतलेल्या नागरिकांनी आपले लसीकरण पूर्ण करावे.
- डॉ. भक्ती चौधरी, वैद्यकीय आरोग्य अधिकारी, वसई-विरार पालिका
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.