नवी मुंबई : भरधाव ट्रकच्या धडकेत (truck accident) एका सायकलस्वाराचा मृत्यू (Person death) झाल्याची घटना मंगळवारी मध्यरात्री कळंबोलीत घडली. अपघातानंतर पळून गेलेल्या ट्रकचालकाचा कळंबोली पोलिसांनी (Kalamboli police) शोध घेऊन ताब्यात घेतले. अपघातातील मृत सायकलस्वाराची अद्याप ओळख पटली नसल्याचे पोलिसांनी सांगितले.

सायकलस्वाराचे वय अंदाजे २५ वर्षे असून मंगळवारी रात्री तो कळंबोली सेक्टर-१४ मधून जात होता. याचवेळी मागून भरधाव वेगाने आलेल्या ट्रकने त्याला धडक दिल्याने तो गंभीर जखमी झाल्‍याने त्‍याचा जागीच मृत्‍यू झाला. अपघातानंतर ट्रक चालकाने घटनास्‍थळावरून पळ काढला.

या ठिकाणाहून जाणाऱ्या भारत अंकुशकर या बांधकाम व्यावसायिकाने अपघाताची माहिती पोलिसांना दिली. त्यानंतर घटनास्थळी पोहोचलेल्या पोलिसांनी भारत यांच्या मदतीने ट्रक चालकाचा शोध घेऊन त्याला पकडले. ट्रक चालकाचे नाव दत्तु विठोबा कचरे (३०) याच्या विरोधात गुन्हा दाखल करून ताब्यात घेतले.