ठाणे : शिवसेना नेते, खासदार संजय राऊत (Sanjay raut) यांच्यावर ईडीकडून (Enforcement directorate) करण्यात आलेली कारवाई अतिशय दुर्दैवी आहे. जे दोषी असतील किंवा ज्यांनी गैरव्यवहार केले असतील तर त्यांची चौकशी करणे योग्य आहे; परंतु राजकीय आकसापोटी केंद्रीय यंत्रणांचा (central Agencies) वापर करणे योग्य नाही. आकसापोटी राजकीय यंत्रणांचा वापर लोकशाहीला घातक आहे, असे मत नगरविकास मंत्री एकनाथ शिंदे (Eknath Shinde) यांनी व्यक्त केले.

संजय राऊत यांच्यावर ईडीकडून करण्यात आलेल्या कारवाईनंतर पत्रकारांनी एकनाथ शिंदे यांना विचारणा केली असता त्यांनी आपले मत व्यक्त केले.
नागपूर ते शेलू या दोनशे दहा किलोमीटरचा पहिला टप्पा पूर्ण झाला आहे. त्याचे लोकार्पण एक मे महाराष्ट्र दिनी मुख्यमंत्री उद्धव ठाकरे यांच्या हस्ते करण्यात येणार असल्याची माहिती नगरविकास मंत्री एकनाथ शिंदे यांनी दिली.

फडणवीसांचे श्रेय नाकारत नाही

तत्कालीन मुख्यमंत्री देवेंद्र फडणवीस यांच्या नेतृत्वाखाली समृद्धी महामार्गाचे काम सुरू झाले, हे आम्ही नाकारत नाही. मात्र, त्या काळातही मी त्या खात्याचा मंत्री होतो. उद्धव ठाकरे यांनीदेखील माझ्यावर विश्वास टाकला होता. त्यानुसार या मार्गाचे काम सुरू करण्यात आले. सगळ्यांच्या सहकार्यातून हा रस्ता झाला असून रस्त्याचे काम विक्रमी वेळेत पूर्ण झाले आहे.