पेण : भाजपचे खासदार किरीट सोमय्या (Kirit somaiya) यांनी विक्रांत युद्ध नौकेच्या (Vikrant INS) नावाने करोडो रुपये निधी जमा करून हा निधी राज्यपालांपर्यंत (Governor) पोहोचवलाच नसल्याने यामध्ये मोठा भ्रष्टाचार (corruption) झाला असून त्यांच्यावर देशद्रोहाचा गुन्हा (treason fir) दाखल करावा, असे वक्तव्य यावेळी पेण तालुकाप्रमुख तुषार मानकवळे यांनी केले.

खासदार किरीट सोमय्या यांनी भ्रष्टाचार केला असून मागच्या काही दिवसांपासून अनेक बेताल वक्तव्य करीत आहेत. त्यांच्या निषेधार्थ शनिवारी नगरपालिका चौकात पेण तालुका शिवसेनेच्या वतीने निषेध आंदोलन करून किरीट सोमय्या यांच्या बॅनरला शिवसैनिकांनी काळे फासून जोडे मारून निषेध आंदोलन केले. यावेळी उपजिल्हा प्रमुख अविनाश म्हात्रे, तालुका प्रमुख तुषार मानकावळे, दीपश्री पोटफोडे, चेतन मोकल, माजी शहर प्रमुख प्रदीप वर्तक, दिलीप पाटील, अच्युत पाटील, लवेंद्र मोकल आदींसह असंख्य शिवसैनिक उपस्थित होते.