राजेश मपारा यांच्या वाढदिवसानिमित्त बुद्धिबळ स्पर्धा
पाली, ता. ३१ (बातमीदार) ः भाजप महाराष्ट्र प्रदेश सदस्य राजेश मपारा यांच्या सुवर्णमहोत्सवी वाढदिवसानिमित्त पाली शहरात विविध सामाजिक उपक्रमांचे आयोजन करण्यात आले. रविवारी (ता. २७) बुद्धिबळप्रेमींसाठी स्पर्धा आयोजित करण्यात आली होती, तर सोमवारी (ता. २८) मोफत मोतीबिंदू चिकित्सा शस्त्रक्रिया व चष्मेवाटप शिबिर घेण्यात आले. नागरिकांनी या दोन्ही उपक्रमांना भरभरून प्रतिसाद दिला. तसेच लक्ष्मी चॅरिटेबल ट्रस्ट पनवेलच्या सहकार्याने विठ्ठल-रखुमाई मंदिर, नवघर येथे मोफत मोतीबिंदू शस्त्रक्रिया आणि चष्मेवाटप शिबिर घेण्यात आले. अनेक ज्येष्ठ नागरिकांनी वैद्यकीय तपासणी व उपचाराचा लाभ घेतला. कार्यक्रमाला भाजप नेते प्रकाश देसाई, पाली प्रभारी नगराध्यक्ष आरिफ माणियार, आमदार सुनील शेळके, भाजप उपजिल्हा अध्यक्ष आलाप मेहता, नगरसेवक सुधाकर मोरे, ॲड. सुभाष पाटील, रोहन दगडे, तसेच बुद्धिबळपटू दादा वैद्य व सुरेश चांदोरकर यांची उपस्थिती लाभली. राजेश मपारा यांनी आपल्या भाषणात सांगितले, की सुमारे ६५ स्पर्धकांनी बुद्धिबळ स्पर्धेत उत्साहाने सहभाग घेतला. या उपक्रमांमुळे सामाजिक सलोखा आणि बौद्धिक विकासाला चालना मिळेल.