हाशिवरे विद्यालयात एचआयव्ही संवेदीकरण शिबिर
अलिबाग, ता. २१ : जिल्हा सामान्य रुग्णालय यांच्या वतीने हाशिवरे हितवर्धक मंडळाच्या उच्च माध्यमिक विभागातील विद्यार्थ्यांकरिता एचआयव्ही संवेदीकरण शिबिराचे आयोजन गुरुवार (ता. १८) केले होते. याच वेळेला विद्यार्थ्यांना आरोग्य समस्या आणि मादक पदार्थांचे दुरुपयोग, एचआयव्ही संक्रमणाचे मार्ग व उपाय आणि एचआयव्हीबाबत समज व गैरसमज या विषयावरही मार्गदर्शन करण्यात आले. माध्यमिक विभागातील २९० विद्यार्थ्यांना किशोरवयीन जीवन कौशल्य, किशोरावस्था आणि वाढते वय, मानसिक आरोग्य समस्या आणि मादक पदार्थांचा दुरुपयोग, एचआयव्ही एड्सविषयी संवेदीकरण करण्यात आले.
या वेळी जिल्हा रुग्णालयाच्या प्रयोगशाळा तंत्रज्ञ सुजाता तुळपुळे, समुपदेशक अर्चना जाधव, अश्विनी कदम यांनी विद्यालयातील एकूण ४०२ विद्यार्थ्यांचे वरील विषयांवर संवेदीकरण केले. विद्यार्थ्यांना आपल्या मनातील शंका विचारून त्यांचे निराकरण करण्यात आले. या वेळी विद्यालयाचे पर्यवेक्षक प्रबळकर, ज्येष्ठ शिक्षक बी. जी. शिकारे, प्राध्यापिका अर्चना ठाकूर आदी उपस्थित होत्या.