पक्षीचोरीचे दिल्लीपर्यंत धागेदोरे
इमारतीमध्ये सीसीटीव्ही नसल्याचा गैरफायदा
सकाळ वृत्तसेवा
अलिबाग, ता. २३ ः कर्जत तालुक्यातील टेंभरे-आंबिवलीतील सामाजिक संस्थेच्या इमारतीमधून अकरा लाख २५ हजारांच्या दुर्मिळ पक्ष्यांची चोरी झाली होती. या प्रकरणात इमारतीमध्ये सीसीटीव्ही नसल्याचा गैरफायदा घेत चोरी झाल्याचे उघड झाले आहे.
टेंभरे-आंबिवली रिवाईल्ड सेंच्युरी ॲण्ड चॅरिटेबल ट्रस्टच्या इमारतीमध्ये सीसीटीव्ही नसल्याचा फायदा घेत पिंजऱ्यातील सात आफ्रिकन ग्रे पॅरोट, एक ब्ल्यू गोल्ड मकाव, एक स्कार्लेट मकाव प्रजातींचे पक्षी चोरण्यात आले होते. या पक्ष्यांना बाजारात चांगली मागणी आहे. यातील आफ्रिकन ग्रे पॅरोटला तर बाजारात ७५ हजारांची किंमत मिळते. तर ब्ल्यू गोल्ड मकाव, स्कार्लेट मकावसारखे पक्षी दोन ते चार लाखांना विकले जात आहेत. या प्रकरणात पोलिसांनी अनिल जाधव (वय १९, रा. वावंढळ, ता. खालापूर), राजेशसिंग माही ऊर्फ समशेरसिंग (३४, रा. दादाभैय्या चौक, दिल्ली) येथून ताब्यात घेतले आहे.
----
सुरक्षा राखण्यासाठी सीसीटीव्ही यंत्रणा गरजेची आहे. त्यामुळे हॉटेल, फार्महाउस अशा ठिकाणीही सुरक्षाव्यवस्था गरजेची आहे.
- आंचल दलाल, जिल्हा पोलिस अधीक्षक, रायगड
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.