२४७ जणांची थॅलेसेमिया चाचणी
अलिबाग, ता. २७ ः शासकीय वैद्यकीय महाविद्यालय, सर जे.जे. रुग्णालय रक्तपेढी विभाग मुंबई यांच्या संयुक्त विद्यमाने राष्ट्रीय सेवा योजनेअंतर्गत लोणेरे येथील डॉ. बाबासाहेब आंबेडकर तंत्रशास्त्र विद्यापीठात रक्तदान शिबिर बुधवारी (ता. २४) घेण्यात आले. विद्यापीठाचे कुलगुरू कर्नल प्राध्यापक डॉ. कारभारी काळे यांच्या हस्ते शिबिराचे उद्घघाटन करण्यात आले. या वेळी ब्लड बँक ऑफिसर डॉक्टर मयूर सोनवणे, सोशल सर्व्हिस सुप्रिटेंड कदम, राष्ट्रीय सेवा योजना समन्वयक प्राध्यापक डॉ. हेमंत वऱ्हाटकर विद्यापीठाचे इतर मान्यवर उपस्थित होते. या शिबिरात २४७ जणांची थॅलेसेमिया चाचणी करण्यात आली. डॉ. बाबासाहेब आंबेडकर तंत्रशास्त्र विद्यापीठाचे राष्ट्रीय सेवा योजनेचे समन्वयक डॉ. हेमंत वराटकर यांच्या मार्गदर्शनाखाली झालेल्या १०० लोकांनी सहभाग घेतला. या शिबिरासाठी राष्ट्रीय सेवा योजनेच्या विद्यार्थ्यांनी शिबिरासाठी विशेष प्रयत्न केले.