सातिर्जे गावात अजगराला जीवदान
अलिबाग ः तालुक्यातील सातिर्जे येथील तलावात मासे पकडण्यासाठीच्या जाळ्यात अडकलेल्या सात फूट लांब, १४ किलो वजनाच्या अजगराला चोंढी येथील सर्पमित्र आसिफ मलिक यांनी पुन्हा सोडले आहे.
सातीर्जे येथील एका तलावात मासे पकडण्यासाठी रात्रीच्या सुमारास जाळे टाकण्यात आले होते. सकाळी या जाळ्यात भला मोठा अजगर अडकल्याचे निदर्शनास आल्यानंतर चोंढी येथील सर्पमित्र आसिफ मलिक यांना संपर्क साधण्यात आला होता. आसिफ मलिक यांनी कौशल्य वापरत सात फूट लांब, अंदाजे १४ किलो वजनाच्या अजगराला कनकेश्वर येथील जंगलात सुरक्षित स्थळी सोडून दिले. गेली अनेक वर्षे आसिफ मलिक चोंढी पंचक्रोशीत आढळलेल्या विविध प्रकारच्या विषारी, बिनविषारी सापांना पकडून नैसर्गिक अधिवासात सोडून देण्याचे काम करतात.