महाड, ता.१२(बातमीदार): शहर पोलिसांनी गांजा विक्री करणाऱ्या एका ४४ वर्षीय व्यक्तीला रविवारी रात्री ताब्यात घेतले आहे. या प्रकरणात पोलिसांनी १ लाख ६२ हजार ७५० रुपयांचा मुद्देमाल ताब्यात घेतला आहे.
शहरातील अप्सरा हॉटेल मागे रविवारी (ता.१०) रात्री १०.३३ च्या सुमारास संदीप भरणे (वय ४४) हा गांजा विक्री करताना आढळला. पोलिसांनी तातडीने कारवाई करत गांजासह वापरलेली दुचाकी असा १ लाख ६२ हजार ७५० रुपये किमतीचा मुद्देमाल ताब्यात घेतला. या प्रकरणात पोलिसांनी अमली पदार्थ विरोधी कायद्याअंतर्गत गुन्हा दाखल केला आहे. तर काही जणांना अटक होण्याची शक्यता आहे.