मुंबई, ता. ३ : नीता मुकेश अंबानी कल्चरल सेंटरच्या वतीने मुंबईत ‘द साऊंड ऑफ म्युझिक’ सादर करण्यात येत असून, हे आतापर्यंतच्या सर्वात यशस्वी आणि लोकप्रिय ब्रॉडवे म्युझिकलपैकी एक आहे.

सात वेळा टोनी पुरस्काराचा मानकरी ठरलेल्या कार्यक्रमाद्वारे आंतरराष्ट्रीय ब्रॉडवेचे भारतात पदार्पण आहे. १९३० दरम्यान ऑस्ट्रियामध्ये संगीत, प्रणय आणि संघर्षावर आनंदाद्वारे मानवी विजयाचे चित्रण हा कार्यक्रम करतो. या दर्जेदार कलाकृतीत ‘माय फेव्हरेट थिंग्ज’, ‘डू रे मी’, ‘द हिल्स आर अलाइव्ह’ आणि ‘सिक्स्टीन गोइंग ऑन सेव्हेंटीन’ यांसारख्या २६ गाजलेल्या गाण्यांचा समावेश आहे.

आम्ही ‘द ग्रेट इंडियन म्युझिकल’मध्ये भारतातील सर्वोत्कृष्ट संगीताचे प्रदर्शन केले आणि आता अजूनपर्यंतचे सर्वात लोकप्रिय आंतरराष्ट्रीय संगीत भारतात आणत आहोत. ऑस्ट्रियातील १९३०च्या दशकातील निसर्गरम्य पार्श्वभूमी, लाइव्ह ऑर्केस्ट्रा आणि रंगमंचावर लाइव्ह गायनाचा अनुभव इथे मिळेल. ‘द साऊंड ऑफ म्युझिक’ हे प्रेम, हास्य आणि संगीताचा एक अविस्मरणीय कार्यक्रम आहे. या उन्हाळी सुटीत तुम्हाला आंतरराष्ट्रीय कलाकृतीच्या अनुभवासाठी भारताबाहेर जाण्याची गरज नाही, असे संस्थापक अध्यक्ष नीता मुकेश अंबानी म्हणाल्या. या कार्यक्रमाचे तिकीट www.nmacc.com किंवा www.bookmyshow.com या संकेतस्थळावरून बुक करता येईल.