मुंबई, ता. १८ : डॉ. होमी भाभा राज्य विद्यापीठातील पदवी प्रवेशाची पहिली गुणवत्ता यादी जाहीर झाली. यात बीएमएस या पदवी अभ्यासक्रमाच्या प्रवेशाला विद्यार्थ्यांनी सर्वाधिक पसंती दर्शवली.
यंदा बीएमएसची कट ऑफ ८४ वर जाऊन पोहचली आहे; तर बीकॉमची कट ऑफ ७० टक्क्‍यांच्या वर पोहचली आहे. मागील वर्षाच्या तुलनेत गुणवत्ता यादीत वाढ झाली आहे.
पहिल्या गुणवत्ता यादीत विद्यार्थ्यांच्या प्रवेश प्रक्रियेला सुरुवात झाली असल्याची माहिती विद्यापीठाकडून देण्यात आली. डॉ. होमी भाभा राज्य विद्यापीठाच्या अंतर्गत तीन शासकीय महाविद्यालये येतात. त्यातील सिडनहॅम वाणिज्य व अर्थशास्त्र महाविद्यालय, मुंबई येथे पदवी व पदव्युत्तर अभ्यासक्रमांसाठी प्रवेश प्रक्रियाही वेगाने सुरू आहे; तर बॅचलर ऑफ स्पोर्ट्स मॅनेजमेंट, या अभ्यासक्रमासाठी ज्या विद्यार्थ्यांनी प्रवेश अर्ज केला आहे, त्यांची गुणवत्ता यादी ही प्रवेश परीक्षा व मुलाखतीनंतर जाहीर केली जाणार आहे.
--
पदवी प्रवेशाची कट ऑफ
अभ्यासक्रम अर्ज (टक्के) कट ऑफ
बी.कॉम. ९६.८३ ७०.३३
बीएमएस ९६.८० ८४.००
बी.कॉम. (बँकिंग अँड इन्शुरन्स ) ९०.६०
५३.६७
--