Corona News: राज्यात शुक्रवारी १२९ नवीन रुग्णांची नोंद झाली असून मुंबईत १५ कोरोना रुग्ण सापडले आहेत. १७६ रुग्ण सक्रिय असून आज दिवसभरात पाच जणांना रुग्णालयात दाखल करण्यात आले. आठ जणांना घरी सोडण्यात आले आहे.

राज्यातील कोरोनाबाधित रुग्णांची एकूण संख्या ८१ लाख ७२ हजार ५३३ झाली आहे. राज्यात ४७९ सक्रिय रुग्ण असल्याचे सांगण्यात आले. तसेच १९ रुग्ण बरे झाले आहेत. आतापर्यंत ८० लाख २३ हजार ४८७ कोरोनाबाधित रुग्ण बरे झाले असून रुग्ण बरे होण्याचे प्रमाण ९८.१८ टक्के आहे. मृत्यूचे प्रमाण १.८१ टक्का आहे.(mumbai corona update)

शुक्रवारी राज्यात १३,००२ चाचण्या करण्यात आल्या. त्यापैकी दोन हजार ८४४ आरटीपीसीआर चाचण्या, तर १०,१५८ आरएटी चाचण्यांची नोंद आहे. आजची पॉझिटिव्हिटी ०.९४ टक्के एवढी आहे. गृहविलगीकरणात ३३५ रुग्ण असून रुग्णालयात ३४ रुग्ण दाखल आहेत. त्यापैकी ९ रुग्णच अतिदक्षता विभागात उपचार घेत आहेत.

मुंबईत या महिन्यात ३,८३२ चाचण्या
मुंबईत काल दिवसभरात ४९३ चाचण्या करण्यात आल्या. १ डिसेंबरपासून तीन हजार ८३२ इतक्या चाचण्या केल्याचे पालिकेच्या आरोग्य विभागाने सांगितले. (15 new corona patients found in Mumbai)