Mumbai News: मुंबईत प्रदूषणाचा विळखा दिवसेंदिवस वाढतचा आहे. यामुळे आजार वाढले आहेत. दिल्लीपाठोपाठ देशातील सर्वाधिक प्रदूषित शहर म्हणून मुंबईची ओळख निर्माण होत आहे. यामुळे मुंबई महानगरपालिकेने पावले उचलत कठोर नियम बनवले होते

हवा गुणवत्ता निर्देशांक सुधारला असून ११५ गुणवत्ता निर्देशांकासह समाधानकारक हवेची नोंद झाली आहे; तर वरळीत सर्वाधिक स्वच्छ हवेची नोंद झाली आहे. कोणत्याही परिसरात प्रदूषणाची नोंद झाली नसल्याने या वेळी मुंबई ‘ग्रीन झोन’मध्ये दाखल झाली आहे.(mumbai pollution news)

केंद्रीय प्रदूषण नियंत्रण मंडळाच्या ‘समीर’ ॲपवर दर्शवलेल्या नोंदीनुसार संपूर्ण मुंबईचा हवा गुणवत्ता निर्देशांक ११५ इतका नोंदवला आहे. वरळी येथे ४४ हवा गुणवत्ता निर्देशांकासह ‘उत्तम’ स्तर दर्शवत सर्वाधिक स्वच्छ हवेची नोंद झाली आहे.

त्याखालोखाल कुलाबा ५३, भायखळा ७४, विलेपार्ले ७४, मुलुंड ८१, सीएसएमटी ८९, शिवडी ९१, भांडुप ९२, कुर्ला ९८, पवई ९८ हवा गुणवत्ता निर्देशांकासह ‘मध्यम’ हवेची नोंद झाली आहे.(rate of pollution in mumbai)

कांदिवली १२३, अंधेरी १२९, बीकेसी १३७, घाटकोपर १४१, सायन १६३, बोरिवली ११७, माझगाव १९२ हवा गुणवत्ता निर्देशांकासह ‘समाधानकारक’ हवेची नोंद झाली आहे.
वरीलपैकी बहुतेक परिसरात बऱ्याचदा हवेचा स्तर खालावलेला दिसतो.

आज मात्र त्यातदेखील सुधारणा झाल्याचे दिसते. मुंबईतील कोणत्याही परिसरातील हवा गुणवत्ता निर्देशांक २०० च्या वर गेलेला नाही. कोणत्याही परिसरात हवेचा स्तर वाईट नोंदलेला नाही. सध्या समुद्राकडून हवा सुटल्याने धुळीचे कण वाहून जाण्यास मदत होत आहे.

नियमावली लागू

मुंबईत वाढत्या प्रदूषणामुळे राज्य सरकार खडबडून जागे झाले. यानंतर अनेक प्रदूषण करणाऱ्या बांधकाम साईट आणि कंपन्यांना नोटिसा बजावण्यात आल्या होत्या.

मुंबई महापालिकेनेदेखील नियमावली करत अनेक बांधकाम प्रकल्पांना नोटिसा बाजवल्या होत्या. दरम्यान, काहींनी ही नियमावली लागू केली आहे. त्यानंतर आता मुंबईचा हवेचा स्तर सुधारत असल्याचे दिसून येत आहे.(maharashtra news)