दादरमध्ये ६ जुलैला ‘अभंगवारी’ रंगणार
आषाढी एकादशीनिमित्त विठूनामाचा जयघोष

मुंबई, ता. २९ : आषाढी एकादशीची वारी उत्साहात सुरू असताना मुंबईत ‘अभंगवारी’ रंगणार आहे. आषाढी एकादशीनिमित्त अभंग रिपोस्टचा खास कार्यक्रम ‘सकाळ मीडिया’ प्रस्तुत करीत आहे. या कार्यक्रमाचे मुख्य प्रायोजक हॉटेल टीपटॉप प्लाझा आहे. ६ जुलै रोजी सकाळी ११ वाजता रवींद्र नाट्यमंदिर येथे अभंगवारीचा हा सोहळा रंगणार आहे.
अभंग रिपोस्ट या बॅण्डने संत तुकाराम, ज्ञानेश्वर, एकनाथ, नामदेव यांचे अमृतमय अभंग रॉक, रेगे, पॉप आणि लोकसंगीताच्या तालात सजवले आहेत, तरी मूळ अभंगांचा भक्तिदायक आधार टिकून आहे. अभंग रिपोस्ट या बँडने अनेक पुरस्कार तर जिंकलेच आहे. गणपती मंडळांपासून ते अगदी आंतरराष्ट्रीय स्तरावर जर्मनी व मॉरिशस येथेदेखील अभंगांची आधुनिक शैली लोकांपर्यंत पोहोचवली आहे. मुंबईकरांसाठी ‘सकाळ’चा ‘वारीचा आत्मिक अनुभव’ शहरातच उपलब्ध करून देणाऱ्या अभंगवारी या सोहळ्याची BookMyShow वर तिकिटे केवळ ३०० रुपयांपासून आहेत. त्यास नागरिकांचा उदंड प्रतिसाद मिळतो आहे. मर्यादित तिकिटांच्या पार्श्वभूमीवर चाहत्यांना तिकीट लगेच बुक करा, असे आवाहन करण्यात आले आहे. या भक्तिमय यात्रेमध्ये सहभागी होण्यासाठी तुमची जागा निश्चित करा आणि शहरातच पंढरपूरची अनुभूती घ्या, असे आवाहन करण्यात आले आहे.