जेलीफिश दंशाने
कार्यकर्ता जखमी

सकाळ वृत्तसेवा
मुंबई, ता. १८ : अनंत चतुर्दशीच्या दिवशी गणेश विसर्जनावेळी समुद्रात उतरलेल्या अखिल मुगभाट सार्वजनिक गणेशोत्सव मंडळाचे कार्यकर्ते अतुल दाभोळकर यांच्या दोन्ही पायांना जेलीफिशने दंश केले असून एका पायावर गंभीर जखम झाली आहे. त्यांच्यावर दक्षिण मुंबईतील रुग्णालयात उपचार सुरू असून तीन मोठ्या शस्त्रक्रिया कराव्या लागणार असल्याचे डॉक्टरांनी स्पष्ट केले आहे. बृहन्मुंबई सार्वजनिक गणेशोत्सव समन्वय समितीचे अध्यक्ष ॲड. नरेश दहीबावकर आणि प्रमुख कार्यवाह गिरीश वालावलकर यांनी सर्व सार्वजनिक गणेशोत्सव मंडळे आणि गणेशभक्तांना संकटात सापडलेल्या या कार्यकर्त्याला मदतीचा हात द्यावा, असे आवाहन केले आहे.