मुंबई विद्यापीठांसमोर
कुलगुरूविरोधात निदर्शने

कालिना संकुलातील प्रवेशद्वारासमोर घोषणाबाजी

मुंबई, ता. १९ : मुंबई विद्यापीठातील मराठी विभागात पीएचडीचे विद्यार्थी भन्ते विमांसा आयू राजेश जनार्दन बलखंडे यांना विद्यापीठातील सुरक्षारक्षकाने केलेल्या मारहाणीविरोधात आज मुंबईतील विविध आंबेडकरी आणि बुद्धिस्ट संघटनांनी जोरदार निदर्शने केली. कलिना संकुलातील मुख्य प्रवेशद्वारासमोर मोठ्या संख्येने उपस्थित राहून आंदोलन करून कुलगुरू रवींद्र कुलकर्णी यांच्याविरोधात घोषणा देऊन त्यांच्या राजीनामाची मागणी केली. दरम्यान, सुरक्षा रक्षकाचे तत्काळ निलंबन करून त्याच्यावर गुन्हा दाखल करण्याची मागणी आंदोलकांनी केली.

दुपारी मुंबई विद्यापीठाच्या कलिना संकुलात झालेल्या आंदोलनामुळे मुख्य प्रवेशद्वार काही तास बंद ठेवावे लागले. त्यामुळे विद्यार्थी आणि प्राध्यापकांना संकुलात प्रवेश करता आला नाही, असे प्राध्यापकांनी सांगितले.
विद्यापीठात झालेल्या आंदाेलनानंतर विद्यापीठ प्रशासनाने खुलासा केला आहे. मराठी विभागातील पीएचडीचे विद्यार्थी भन्ते विमांसा आयू राजेश जनार्दन बलखंडे हे काही दिवसांपासून मुंबई विद्यापीठाच्या कलिना संकुलात आंदोलनासाठी बसले आहेत. त्यांचे हे आंदोलन बेकायदा असल्याचे पत्र विद्यापीठाने दिले होते. तसेच प्रशासनाने अनेकदा चर्चेसाठी बोलावूनही त्यांनी नकार दिला. १५ सप्टेंबरला केंद्रीय मंत्री किरेन रिजिजू यांच्या ताफ्यासमाेर झाेपून आंदाेलन केले. विनंती करूनही रस्त्याच्या बाजूला होत नसल्याने त्यांना सुरक्षारक्षकांनी रस्त्याच्या बाजूला केले. या वेळी त्याने सुरक्षा अधिकार्यांना मारली. त्यानंतर इतरही सुरक्षारक्षकांना लाथ मारली. त्यामुळे या विद्यार्थ्याला बीकेसी पोलिस ठाण्यात पाठविण्यात आले. या विद्यार्थ्याला विद्यापीठाच्या सुरक्षारक्षकाने काेणतीही मारहाण केलेली नाही, असा दावा विद्यापीठ प्रशासनाने केला आहे.