सलमान खानच्या
निवासस्थानी गोळीबार
मुंबई, ता. २२ ः अभिनेता सलमान खान याच्या निवासस्थानी गोळीबार प्रकरणामधील आरोपी मोहम्मद रफिक सरदार चौधरी याचा जामीन अर्ज सोमवारी (ता. २२) विशेष मोक्का न्यायालयाने फेटाळला. न्यायालयाने जामीन अर्ज फेटाळलेला हा तिसरा आरोपी आहे. चौधरी याच्या जामीन अर्जाच्या विरोधात सरकारी वकील ॲड. महेश मुळे यांचा युक्तिवाद न्यायालयाने मान्य केला. ॲड. मुळेंच्या युक्तिवादानुसार चौधरी स्टुडेंट ऑर्गनायजेशन ऑफ पंजाब युनिव्हर्सिटी या संघटनेत सक्रिय असतानाच लॉरेन्स बिश्नोईच्या टोळीतही सक्रिय होता. मुंबईत व्यवसायानिमित्त स्थायिक झाल्यानंतर तो बिश्नोई टोळीतील अन्य प्रमुख गुंडांच्या संपर्कात होता. गोळीबार घडण्याआधी सलमानच्या घराची रेकी, चित्रीकरण करून आपल्या साथीदारांना त्याने पाठवले होते. गोळीबार करणाऱ्या आरोपींना मुंबईत आसरा देऊन सहकार्य केल्याचे तपासातून उघडकीस आले आहे.