अल्पवयीन तरुणीचा विनयभंग करणारा अटकेत
मुंबई : अल्पवयीन तरुणीचा भररस्त्यात विनयभंग करणाऱ्या आरोपीस पोलिसांनी अटक केली. हा गुन्हा मंगळवारी (ता. १६) रात्री पश्चिम उपनगरात घडला. घरगुती सामान खरेदी करून घरी परतणाऱ्या तरुणीस आरोपीने अप्रिय स्पर्श करून पळ काढला. पोलिसांनी गुन्हा नोंदवून सीसीटीव्हीआधारे आरोपीची ओळख पटवून त्यास शनिवारी (ता. २७) अटक केली. आरोपी २० वर्षांचा असून मूळचा ओडिशा राज्याचा रहिवासी आहे.