कांदिवली आग दुर्घटनेतील
तीन महिलांचा मृत्यू

सकाळ वृत्तसेवा
मुंबई, ता. २८ : कांदिवली येथे कॅटरिंगच्या दुकानात लागलेल्या आगीत गंभीर जखमी झालेल्या तीन महिलांचा रविवारी उपचारांदरम्यान मृत्यू झाला आहे. रक्षा जोशी (वय ४७), नीतू गुप्ता (३१) आणि पूनम (२८) अशी मृतांची नावे आहेत. आणखी चार जणांची प्रकृती गंभीर असून, त्यांच्यावर वेगवेगळ्या रुग्णालयांत उपचार सुरू आहेत.

कांदिवली आकुर्ली मेंटेनन्स चौकीशेजारील घरात बुधवारी आग लागली हाेती. या आगीदरम्यान सिलिंडर स्फोट हाेऊन ती बाजूच्या दुकानात पसरली. या दुकानात कर्मचारी आणि ग्राहक अडकले होते. त्यातील काही जण गंभीररीत्या हाेरपळले हाेते. त्यांच्यावर पाच दिवसांपासून उपचार सुरू आहेत. कस्तुरबा रुग्णालयात दाखल असलेल्या रक्षा जोशी (४७), ऐरोली बर्न हॉस्पिटलमधील नीतू गुप्ता (३१) व त्यांची पूनम (२८) यांचा मृत्यू झाल्याची माहिती संबंधित रुग्णालय प्रशासनातर्फे देण्यात आली. शिवानी गांधी (५१), जानकी गुप्ता (३९), दुर्गा गुप्ता (३०), मनाराम कुमाकत (५५) यांच्यावर उपचार सुरू आहेत.
........