अंधेरीतील ग्लोबल कॅन्सर केअर सेंटरचे उद्‍घाटन

मुंबई, ता. १६ : ‘पहिले माझे कर्तव्य फाउंडेशन’च्या सहकार्याने उभारण्यात आलेल्या अंधेरी येथे ग्लोबल कॅन्सर केअर सेंटरचे उद्‍घाटन शर्मिला ठाकरे आणि कर्करोगतज्ज्ञ डॉ. सुरेश अडवाणी यांच्या उपस्थितीत शुक्रवारी (ता. १४) करण्यात आले. या वेळी पीएमके फाउंडेशनच्या संस्थापिका नयना कनाल यांनी सांगितले, की पीएमके फाउंडेशनच्या महत्त्वाकांक्षी संकल्पनेतून उभे राहिलेले ‘ग्लोबल कॅन्सर केअर सेंटर’ हे कॅन्सर वॉरियर्ससाठी आशेचे सुरक्षित घर ठरावे, हीच या उपक्रमामागील प्रेरणा आहे. कॅन्सरशी झुंज देणारा एकही योद्धा एकटा राहणार नाही. या सोहळ्याला विविध संस्थांचे मोलाचे सहकार्य लाभले. या वेळी ब्राइट आऊटडोअर मीडिया लि. आणि डॉ. योगेश लाखानी यांच्या ब्रँडिंगसाठी दिलेल्या मोठ्या समर्थनाबद्दल विशेष कृतज्ञता व्यक्त करण्यात आली.