मुंबई : मुंबईतील कापड गिरण्यांच्या जमिनीवरील चाळींचा अनेक वर्षांपासून रखडलेल्या पुनर्विकासास चालना देणारा निर्णय विधानसभेत घोषित करण्यात आला. कापड गिरण्यांच्या जमिनीवरील, रहिवासी घरे अथवा चाळींपैकी बऱ्याचशा चाळी, जुन्या असल्यामुळे धोकादायक झाल्या आहेत. त्यामुळे त्यांचा पुनर्विकास अत्यंत गरजेचा असल्याने हा निर्णय घेण्यात आला. मुंबई शहरातील कापड गिरण्यांच्या जमिनींवरील जुन्या चाळींच्या पुनर्विकासासाठी प्रोत्साहन देण्याकरिता नियमावलीमध्ये फेरबदल करण्याचा निर्णय शासनाने घेतला आहे, असे उपमुख्यमंत्री एकनाथ शिंदे यांनी म्हटले आहे.