एसआयटीने घेतला
अनंत गर्जेचा ताबा
मुंबई, ता. १५ : डॉ. गौरी पालवे मृत्यू प्रकरणाच्या तपासासाठी नेमलेल्या विशेष पथकाने (एसआयटी) सोमवारी (ता. १५) आरोपी अनंत गर्जेचा ताबा घेतला. याआधी प्रकरणाचा तपास करणाऱ्या वरळी पोलिसांनी अनंतला अटक केली होती. तो न्यायालयीन कोठडीत ऑर्थर रोड कारागृहात होता.
या प्रकरणाचा तपास करण्यासाठी गृहविभागाने ५ डिसेंबरला विशेष तपास पथक स्थापन केले. उपआयुक्त आर. रागसुधा यांची या पथकाच्या प्रमुख म्हणून नियुक्ती करण्यात आली. या पथकाने प्रकरणाचा नव्याने तपास करण्यासाठी न्यायालयाच्या परवानगीने अनंतचा ताबा घेतला. त्याला न्यायालयाने तीन दिवस पोलिस अर्थात एसआयटी कोठडीत ठेवण्याचे आदेश दिले.
२२ नोव्हेंबरला डॉ. गौरी त्यांच्या वरळी येथील निवासस्थानी मृतावस्थेत (गळफास घेतलेल्या अवस्थेत) आढळल्या. त्यांच्या पालकांनी केलेल्या आरोपावरून पोलिसांनी त्याच्याविरोधात आत्महत्येस प्रवृत्त केल्याचा गुन्हा नोंदवला. या गुन्ह्यात त्याला अटक करण्यात आली होती.
तपासादरम्यान डॉ. गौरी आणि आरोपी अनंतच्या शरीरावर जखमा आढळल्या होत्या. त्यातच अनंतच्या प्रेयसीचे वैद्यकीय अहवाल डॉ. गौरी यांच्या हाती लागले होते. त्यावरून डॉ. गौरी यांची हत्या झाल्याचा संशय नातेवाइकांनी व्यक्त केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.