नऊ कोटींचे अमली पदार्थ जप्त

मुंबई, ता. १७ : अमली पदार्थविरोधी पथकाने स्वतंत्र कारवायांत पार्टी ड्रग अशी ओळख असलेल्या एक्स्टॅसी (एमडीएमए) गोळ्यांसह तब्बल नऊ कोटींचे अमली पदार्थ जप्त केले. गेल्या आठवड्यात झालेल्या या कारवायांत एका नायजेरियन तरुणासह चौघांना अटक करण्यात आली आहे.
पहिल्या कारवाईत घाटकोपर कक्षाचे प्रभारी पोलिस निरीक्षक अनिल ढोले आणि पथकाने वांद्रे येथील पाली गाव परिसरातून एक्स्टॅसीच्या २४८ ग्रॅम वजनाच्या गोळ्या आणि तब्बल ६.५ किलो परदेशी गांजा (हायड्रोपोनिक वीड) जप्त केला. या कारवाईत पिता-पुत्रासह तिघांना अटक करण्यात आली आहे. अन्य कारवाईत वरळी कक्षाचे प्रभारी निरीक्षक संतोष साळुंखे आणि पथकाने प्रभादेवी परिसरातून भारतात बेकायदा राहणाऱ्या नायजेरियन नागरिकाला २२६ ग्रॅम कोकेनसह अटक केली.